1. New York City ah terrorist kut in mi 8 an thi
Tuzarh October 31 cawn ni hnih ni ah khan Sayfullo Saipov timi mitha lo terrorist pa nih bicycle ai cit liomi mibu sin ah truck mawtaw in a pah hram thluahmah hna caah minung 8 an thi. Cu tin apahnak han cu Lower Mahatan timi New York khua pi chung hmun pakhat ah a si. Sayfullo Saipov hi Ubeskistan ram in mipem a si i Green Card he a um mi a si. Mi a pahi a thimi hna lak ah minung 5 hi Argentina ram in a rak tlawngmi hawi kawm an si, a dang 3 cu a dang dang an si. ISIS ralhrang tha lo ttanhnak lungthin he mi thalo pa nih hin mah thil hi tiahmi a si. Sayfullo Saipov cu an tlaih i thong ah an khumh. Hi ruang ah hin Green Card in a um rihmi US um ramdang mi hna caah thil tha lo ngai a chuahter.
2. US ah Indianapolis telh in hmun tampi ah Gas man a kai ziahmah
US president hlun Barak Obama rian tuan a hnu bik kum ah cun Gass man hi $1 nak tlawm tiang a phan nain, President thar a vun kai hnu in Gas man cu van tawng in a kai ziahmah than. Gallan pakhat ah Indianapolis khua ah cun $3.00 a phan. Indianapolis lawng si lo in khua dang dang zong ah gas man hi a kai ziahmah. Cu tin a kai mi cu, Gas zuarnak kongkau pehpar in thilri remhnak hna le nai ah a cangmi thlichia ruang ah Huston le Florida i sunghzatlaknak tampi ruang zong ah hin a si tiah theih a si.
3. Sears Dawr Hmun 36 an Ngol Lai
Sears dawr cu US ram ah thilri a zuarmi dawr nganmi pakhat a si i, Tutan holiday season a dih khawh in US ram hmun ka kip ah dawr 63 cu khar ding an i tim. Tukum January thla ah khan an dawr zei mawzat cu an rak khar cang. Cu tin an khar mi cu US ram ah hin maivan in thil cawknak a karh chin chin caah a si deuh tiah theih a si.
4. November ni 5, 2017 ni ah US Daylight Saving Suimilam Ai thleng Lai – Suimilam pakhat a tlai deuh cang lai. Zing lei sau deuh ihnak caan na nei tinak.
