Nihin November 5, 2017 ni ah US ram ah theih duh lo bikmi mi tha lo nih mibu lak ah meithal kahnak cu a um than hawi. First Baptist Church timi Khrihfabu Biakinn pumhnak chung ah thil a cang mi a si. Cu tin meithal kah ruang ah minung tam lak te an nunnak a liam.
Southerland Springs timi Taxes State i a um mi khua cu St Antanio khua in meng 30 hrawng ai hlatnak khua hmete a si. Cu ka khua ah mirang tam deuh an um. Cu khua i First Baptist Church ah tuzing suimilam 11:30am an i pumh lio ah ai pum vemi David timi pa nih ai pum mi cu meithal in a kah diahmab hna i, mi nung 50 hrawng lawng chungtel a simi Biakinn ah hrap cheu hrawng minung 20 renglo nunnak cu a dih.
Meithal kaaptu pa cu David Patrick Kelley timi kum (26) lawng a si rihmi pa a si. A nih hi meithal in a kah khawh hna tlawmpal ah a zam i police le FBI nih an dawi i meithal hma in a thi ve. Amah tein maw ai kah, police nih maw an kah ti a faing lo. A nih hi Highschool a dih khawh in US Air Force vanlawng ralkap ah a rak um i, ralkap in an rak dinhter mi a si. Cun, Bible cawn piaktu pakhat zong a rak si bal.
US tuanbia ah Pumhnak ah mi tampi meithal in kah mihi vui (2) lawng a um rih i, 2015 ah North Carolina minak pumhnak ah minung 8 an rak kah hna, a tuhi US tuan bia ah Biakinn chung kah i mi tam bik an thih i a si.
FBI nih zei ruang ah dah mah ti kahnak ruang hi a si timi cu an dot hlat lio pi a si.
