April 21, 2018 Indianapolis, IN – Chin Community of Indiana (CCI) General Assembly meeting ah CCI tuanbia ah thil biapi takmi pakhat kan lim. CCI constitution zoh thannak kan ngei i, ‘major amendment’ constitution remhnak kan tuah. Cu amendment nih cun CCI organization structure tampi a thlen.
# CCI nih ‘Board of Directors’ le ‘Executive Committee’ tiin body pahnih rak ngeih a si. Mah cucu tutan General Assembly ah hin pakhat ah fonh a si cang. Board of Directors ti lawng a si cang lai i, (25) Board members tel a si lai. Cun Board members hna cu quaterly meeting an ngei lai. Cun top (6) position a tlaimi hna kha Executive Committee tiah kawh a si lai. Cu Executives hna cu regular meeting a herhningin an ngei peng lai i CCI Staff hna cu direct management an tuah hna lai tbtk hna kha ai tel.
# CCI structure thlenmi fehter a si colh bantuk in CCI Board of ditectors upa pawl thimnak zong May 19, 2018, zanlei 1:00 pm tuah dingin hnatlaka si fawn. Church kip nih palai thlah khawhmi zat thlah cio a si telai. Election commission nih thimnak hi an hruai lai i nomination an tuahmi hna zong an chuahpi te lai. Nomination nih an tarmi hna pin ah mipi/floor zong in tar/chuah pi khawh a si telai.
# CCI President Pu Van Ceu Uk sin in CCI tuanbia zoh thannak le CCI nihin dirhmun hna chimnak a ngei.
# CCI Secretary Salai Biak L Sang sin in kum dih report peknak a ngei. Cu report a pekmi cu details in CCI Websites; www.indychins.org ah hmuh khawh a si lai.
# CCI treasurer Billy Lungte sin in CCI Financial report peknak a ngei.
# CCI Staffs hna simi Pu Moses Lian le Pu Henry Mang hna sin in report peknak le siaherh chimnak zong an ngei ve hna. Mah hi assembly meeting nih hin CCI staffs hna cu lawm man bonus $3000 ve ve in pek dingin bia kan khiah piak hna.
Meeting kaimi dihlak (56) kan si. Church 24 in delegates hna an phan cio hna i, Chin Community tuanbia ah minung tling bik in meeting kan tuah mi a si.
