US ram Vice President simi Mike Pence le an nu cu Colt American football puai zoh ding i ngaih ngang in an i tim i puai an zoh ve nain, puai dih hlan ah an lawi tak. An kaltaknak a ruang cu – football ai celh dingmi phu pakhat nih National Anthem (US Ram hla) sak lio ah an khuk an i bil caah a si.
America ram nih upat mi ram hla (National Anthem) sak lio ah ho hmanh thut ding a si lo. Dir ding in upadi nawlbia a um. Cun, vawrh lei kut kha kehlei ttang cung, lungthin umnak hmun ah chuan ding a si.
National Anthem sak lio ah khukbil cu, America ram thantar le ram pumpi upat lo a si tiah hmuh a si. Upatnak caah dir a herh.
Mah tiin a khuk aa bilmi zaangcelhtu hna cu California in San Francisco a rak mi 49er tmi hna an si. Minung 12 hrawng an khuk an i bil mi nih VP a thin a runh tuk i, Football game cu a chuah tak deih.
Vice President Mike Pence hi Indiana State mi a si. Nikum tiang kha Indiana State cozah lutlai Indiana State governor a rak si.
