Kan hnu ah Southport police Allan meithal in kaaptu Jason Brown cu death penalty pek dingin Marion county prosecutor office nih taza an cuai.
Brown cu thawnginn ah an khumh liopi a si ko. October ni 2 2017 ni ah thihdan pek tlak a si le si lo biaceihnak cu an tuah hmaisa lai. February thla tik ah ‘Trial’ an tuah than te lai. Jason Brown hi Police officer Allan meithal a kaaptu a si tiin an tlaih in thawng an thlakmi a si. Anih hi kum 28 a si.
State of Indiana hi Thihdan peknak a cohlangmi State pakhat a si. 2000 kum lio ah khan Benjamin Ritchie timi pa nih police officer pakhat cu a rak kah that ve caah, thihdan an rak pek bal cang.
