Zahan September 27, 2017 zan ah mitha lo pahnih nih Regency apartment ah Chin mi damiah an tek hna i, an phaisabawm le an thilri an chuh hna tian thawng kan theih.
Zahan zan 11:45pm ah US ram chung, Chin mi tambik umnak khua Indianapolis, IN ah um mi Regency Apartment ah a um mi kan mah Laimi pahnih cu an rian ttuan nakin an ttin lei ah Misual pahnih hna nih an tangka bawm an chuh hna mi cu a si.
Misual hi Minung pahnih an si I, minak an si hna tiah harhnak a tong mi pakhat nih a kan chim.
A chim ning ah cun “vawlei ah a kan bohter an ti, Meithal in kan lu ah akan sawhchih, cuti cun an herhmi tangka kha an kan hal I, kan bawngbi chungah thilh a um mi vialte cu an zampi dih” tiah an chim. Ral ring ceuh hna u sih.
Mah bantuk thil thalo a tongmi hna nan um si ah cun Police sin ah report nan tuah khawh cawlh ah cun a tha bik i, Chin Center ah siseh CCI upa pakhat khat sin ah siseh, thawng na kan thanh khawh ah cun a tha ve.
Kan umkalnak ah ralrin ngai in um cio ko hna uh sih law fimkhur tein um i zuam cio ko hna uh sih.
