Nihin November 2, 2017 ni ah America ram cozah lei in thil biapi mi cheukhat thanhnak an ngei. America ram mi caah thil biapi ngaimi lawngte an si. Tax kong siseh, Federal Reserve Bank kong ah siseh thil 2 a thar an thanh.
1. Federal Reserve Bank Lutlai Thar thlen a si
US ram ah phaisa luh chuahnak hram pi a simi cu Federal Reserve bank a si ti khawh a si. Inn cawknak caah mortgage interest siseh, Bank in phaisa cawimi hna caah interest poh poh, a tum le kai ding caah a hram tlaitu cu Federal Reserve Bank a si. Mah caah hi Federal Reserve bank lutlai thar thlen dingmi zong cu thil biapi ngai a si.
Nihin ah khan President Trump nih Jerome Powell cu Federal Reserve bank lu tlai Chairman of Federal Reserve si dingin nominate a tuah cang. Senate hna nih hna an tlak pi lai i cu ti cu Federal Reserve Chairman thar cu a mah a si cang lai. A nih hi Federal 
Reserve Chairman a tuan balmi hna lak ah Economic in PhD degree a ngei lomi a si. A dang Federal Reserve Chairman hna hi Economic in PhD degree an rak ngei dih ngawt. A nih hi cu Georgetown University JD upadi degree a ngahmi a si. US ram ah phaisa interest rate hna a kai le kai lo dingmi kong ah hruaitu thar nih hin zei bantuk thilthar dah a tuah te lai timi cu amah riantuannak in a lnagte ding a si.
2. Tax Return Caah Thlennawn le Chapmi hna a um
Tu kum 2017 kum caah hin President Trump cozah hruainak in thlennawnnak tete an tuah. Inn chungkhar 4 in cung lei a simi hna caah Tax ngaih thiamnak $1182 hi an tuah. A sullam cu chungnkhar 4 a simi hna nih kumkhat ah Tax an pek a herhmi chung in cozah nih $1182 cu a ngaih thiam hna tikhi a si, i khat lei in zoh ah cun mah chungkhar hna nih Tax refund an hmuh dingmi $1182 in a tam deuh lai tinak zong cu a si.
Khat lei ah, Inn interest pekmi Tax ah claim than mi tbtk belte hi claim tuah phu lo ding in a si cang lai.
Hi pin ah hin Tax upadi dang dang hna zong thlen nawnnak an tuahmi tete a um lai i, Tax sawk tik ah thil fawi deuh dingin le palhnak a tlawm deuh dingin siseh, a tluang deuh dingin temhnak hna a um tiah nihin ah khan Innrang in biachimnak nawl a ngeitu “Ryan Paul” nih thawng zamhnak a tuah.
