Indianapolis Chin Mipi Sin ah CCI Sinin Nawlnak

Indianapolis Southside khua chung ah Chin ralzam 10,000 renglo kan um. Hmun dang dang; peng kip, tlang kip, le khua kip in a rami kan si. Khrihfabu bu 30 renglo kan dirh. Peng le tlang le khua cio hoih in bu dang dang zong kan dirh rih. Apartment kip ah inn kan hlang. Sang kip le miphun dang dang karlak ah inn kan caw. Khua kan sa. Kan tlongleng. Kum tam ngai kan um cang.

Indianapolis Chinmi kan khuasak ning le tlonlen ning hi kan pawngkam miphun dang hna nih an rak kan ngiatnak caan a sau cang i kan sining tam ngai an theih cang. Cucaah, a kan dawtu tampi an um nain a kan rem lomi zong tam ngai an rak um cang. An kan rem lo nak a ruang hi kanmah siarem ning le duhning poh i khua kan sak i kan tlonlen ruang ah a si. Naite ah mizei ti theih lomi nih Southport sang chung i inn an zuar liomi hmai ah Chinmi rem lo nak zong ca an tar cang.

Kan pawngkam miphun dang hna nih an kan remlonak pawl kan hlathlai tikah apartment le pumpak inn kip i Khrihfabu sang pumhnak, khua le tlang pumhnak, ṭhutpinak, inn thar cawk i thlacamnak le rawl hrawmnak tbt. tuah i mi inn hmai le lamkam kip ah kalnak ṭha lo tiang in mawṭaw dirter, lamlai ah ngakchia duhpoh in tlonter hi an kan remlonak a ruang bik an rak si.

Chin community of Indiana (CCI) upa hna nih hi kong hi biatak tein kan ruah i kan ceih hnu le Indy Chin mipi tonnak zong kan tuah hnu ah hmailei Chinmi kan dihlak caah thil ṭha deuh a si hrim lai ti zumhnak he a tang lei thil pawl hi Indianapolis ummi Chinmi dihlak; Khirhfabu, peng le tlang, khua le bu kip nih zulhpiak cio hrimhrim ding in thawngthanhnak le nawlnak ca chuah a si.

PUMPAK INN le APARTMENT AH: