Chin Ralzam Hna Caah Thawng Tha.

UNHCR Headquarter , Geneva nih thlanglei Laitlang lei cu an dirhmun a zualhma chin langmang rih ko caah ralzam pawl cu zohkhenh rih ko dingin  March 14,2019 ah thawngthanhnak a tuah.

“We recognize that Chin refugees may still require international protection due to the worsening security situation in southern Chin State in Myanmar, which has resulted in new displacement”, said Volker Türk, Assistant High Commissioner (Protection) for UNHCR.

https://www.unhcr.org/news/press/2019/3/5c8a31984/unhcr-says-ethnic-chin-refugees-require-continued

Chin Ralzam hna  hmailei thutdirnak kong ceihkhannak ding caah Independence Chin Communities (ICC) hrihhawhnak in Feb 13-14,2019 ah tuah mi meetinng ah CCI President asi i Chin Refugees Advocacy upa Peter Thawng Hmung zong BD hnathlaknak in  a kal kho.BD upa David Nuntho zong nih a zulh khawh ve.ICC riantuannak ding caah Indy Chin Business hna le Chin Refugee Advocacy upa hna nih thawh mi  ($,5000.00)kan rawnh hna.An i lawm ngaingai.Nan thazaang tampi kan herh rih ko tiah bochannak he bia an kan cah chap.Tutan UNHCR cathanhnak zongah fund raising kan tuah mi an vanlanghter mi kan hmuh tikah tonnak le cawlcanghnak step by step tete in hruaitu upa hna nih an kan tuah pi mi hi hmual a um ngai ko ti a lang.

CCI-Chin Refugee Advocacy upa zong asi i CBC-USA General Secretary a si mi Rev.Dr Thlaawr Bawihrin cu Ralzam kong he pehtlaiin Bankok ah March 4-5,2019 tiang meeting a va kai kho.Abik in an ceih mi cu:

1. 2019 chungah Ralzam sinak in donghternak kong.

2.Resettlement Kong.

3. Malaysia ah a tang i zei status hmanh a ngei lo mi hna kong asi.

A meeting kainak in Indianapolis a phak ni ah UNHCR leiin thawngpang tha an van thanh cawlh hi asi.Kan hruaitu hna hi Pathian nih kan miphun caah a hman cuahmah hna ti fiang tein hmuh khawh an si.

ICC le a hlei in CHRO nih tampi riantuan ding a ngei rih.Chawva leiin an thazaang a der deuh caah kan thazaang a kan herh ngaingai.Chin community nih lungrual tein  kanmah le kan ttuan khawh cio nak lam kip in kan Miphun caah tuan khawh i zuam cio rih ko hna uhsih.

Relchap:Malaysia Refugees dirhmun.

– 2018 December thladongh tiangah Refugees le Asylums in Malaysia UNHCR zungah Kawlram minung in register a tuah mi 163860 an si hna.Culak ah Chin Miphun chungin 26180 kan si.

-July 20,2018 chungah UN Officer Ms. Rachel Damas chim ningah Chin ralzam dihlak  chungah August 17,2010 hlan i a rak lut mi 5200 long hi resettlement program ah kal dingin  kan khan mi asi tiah a rak chim.