US ram ah thawngpang tha lomi ai peh ziahmah peng. October 10, 2017 ni ah khan Kalwram in ralzam in a rak phanmi Naw Paw Law timi nutung nu nih, a fanu tlangval pa kum 17 lawng simi cu a paw ah meithal in a kah i a nunnak a liam.
Afanu le tlangval pa mithi pa cu Winsconsin ah a um mi an si i, a u si ah hin a rak tlawngta mi an si. Afanu Madaya Ve cu a tlangvalpa he hin nau a pawi i thla (4) a si cang. Winsconsin ah i thitum ding in an i tinhmi cu a nu nih hin a duh hrim lo caah tihin a kham mi a si tiah, Fox5 news TV nih cun a chim.
Clarkston, GA hi Laimi le Karen refugees in phanmi tam ialte an umnak khua a si. Atlanta khuapi i hmun kil lei deuh i minthang Stone Mountain kam ah hin Clarkston sang hi a um mi a si. Karen ralzam le Kareni mi hna zong siseh Karen min a pum Kawl kala hna zong hi an um ve. Atu meithal kaptu hi Karen min a pu nain, Clarkston ummi Kawlram minih an theihnak ah cun Kalar a si an ti.
Cutin meithal kap mi thil tha lo a tuahtu cu Police nih an tlaih i an hren ko. Meithal hi khawi ka set ah dah a cawk timi hi theih fian a si rih lo. An hlat lio a si.
