Texas State um mi Richardson Mathews timi pa nih a fanu Sherin Mathews cu cawhnuk din a duh lo ruang ah a leng ah dan a tat i thingkung tang ah a va chiah i, a hei zoh than tik ah a um ti lo, a tlau.
FBI agents hna le State le Local police hna nih tuhi Sherin Mathews cu an kawl cuahmah. TV kip le News kip ah an thanh.
Atlaumi Sherin Mathews cu kum 3 lawng a si rih mi nute a si. A pa Richard Mathews i a chungchuakfa a si lo. An i cawm mi a si i, mah tihin hngakchia cung ah thil tha lo a tuah ruang ah Richardson zong cu palek nih an tlaih ve.
Richardson Mathews cu Texas police nih an tlaih i bond tamlak te singhnih le thawng sawmnga an thlaih i thong ah an khumh.
US ram ah hin, fa le zeitluk an sual zong ah an cung ah kut thlak khawh a si lo. A leng zong ah hrem in hlanh phung a si lo. Mah ti kum tlinglomi hngakchia cung ah thil tuah cu, a pawimawh tukmi thil in hmuh piak a si, thih hlan lo thawng thlak khawh a si.
