Indianapolis South Side i Kroger dawr chung ah mi Jason Cooper timi pa nih minung pakhat cu meithal in a kah i a thi tiah INDYStar nih a tial. Cu tin thil a can cu Friday October 20 ni ah khan asi. Hana Ave le US 31 i a um mi Kroger a si. Freedom Car Sale pawng i ummi Kroger dawr kha a si.
Kroger chung riantuanmi hna nih thil acaan mi cu an hmuh. Mi that pa hi Kroger chung ah a rak lut in ai hro cer thluahmah hnu ah a that mi pa hi naamte in a sawh hmasa i cun meithal thawng vui 3 a rin hnu ah cu pa cu a ril i a nunnak aliam cawlh tiah theih a si.
An kahmi pa cu Carlos Castro timi kum 43 mi a si. A mah ai kenmi meithal lila in kah tong seh law a dawh tiah police nih an zumh
Thil a can cu zan suimilam 8:30 hrawng ah a si. Meithal a kah khawh in a leng i mawtaw an chiahmi midang mawtaw a fir i a zam. Police officer nih Jason Cooper cu an dawi cawlh, i a mawtaw citmi cu Stop 11 le US 31 tonnak ah an phak i cu ka hmun ah cun a ke in a zam lio ah Palek nih an tlaih khawh.
Kum 37 asimi Jason Cooper cu IMPD nih an tlaih in thawnginn ah an khumh khawh. A nih hin 2003 kum lio ah nu kumtling lomi he nupa sualnak tuah ruang ah rak tlaihmi a si i, sex offender registry tuahmi a si. Si tha lo a hmangmi a si tiah theih a si.
Bazar kan kalnak cio ah ralring tein, hawi i sawm i kal khawh i zuam cio hna uh sih law. Bazar chung zong ah mi he sik lo dingin i ralrin cio ko hna uh sih. Cun, mi tha lo rithai si hmang mi si dawhmi hna cu hrial ko hna uh sih.
