October 11, 2017 ni ah khan 8 Lucky Buffet hmai i holiday inn express hotel parking lot i a parkmi mawtaw 20 renglo cu mi thalo nih thlalang an khuai dih i a chung ah thil a um mi hna an fir hna tiah TV channel 6 ah an thanh.
Hotel a tlungmi hna nih athaizing an vun thawh cun an mawtaw thlalang a kuai tungmi cu an hmuh i an thilri hna a um ti lo mi cu an hmuh mi a si.
Hi kong he pehtlai in thlalang a khuaimi hna a hmumi nan um a si ah cun Police non-emergency line (317) 327-3811 phone number hi chawnh i report pek ding a si.
Tukar ah hin Chin mi tampi umnak Indianapolis Southside ah mah bantuk thil hi a tam ngai. Inn bauh i thil fir le mawtaw a firmi hna zong an um. Kan umnak cio ah i ralring cio uh sih law, mah bantuk thil fir piak a tongmi hna nan um ah cun dai dep in um lo in Chin Center ah siseh CCI upa hna sin ah hin thawng thanh khawh a si.
