Chin Nunphung le Ca Seminar cu tuthla October 28, 2017 ni suimilam 10:00am – 3:00pm ah tuah dingin seminar tawlreltu committee lei nih thawng an thanh.
Cu Seminar cu US ah Chin miphun tam bik umnak khua Indianapolis, IN ah tuah ding a si. Tuahnak ding hmunhma cu Chin Evangelical Baptist Church (CEBC) Biakinn ah a si lai tiin mahhi Seminar tawlreltu committee lei thawngthanhnak in theih a si.
Cawnpiaktu dingmi hna ah hin California Sanjoe University i Department of Linguistics and Language Development ah Lecturer a tuan liomi Dr. Kenneth Van Bik le Pu Cung Hnin an si te lai.
Seminar caah tuanvo ngeitu Victor Thla Hei Lian nih “Hi Seminar tawlreltu committee cu Indianapolis khua ah a ummi Khrihfabu kip in mi i tel cio in tuahmi a si. Chin ca le nunphung tlaihchanmi vialte rak kai cio khawh a si” tiah a ti.
Ceihhmai dingmi tlangtar hna cu;
1. Kan min a hram cheukhat kherhhlainak (Chin, Zo, Lai)
2. Nunphung tampi karlak ah umtik ah hrialawk
3. Khua awng a tongmi nunphung pahnih komhning, le
4. Thlachiat ruah hi a kan funtomtu hrampi a rak si. Timi hna hi an si.
