US President Trump hruainak in Department of Homeland Security nih nihin ah khan thawngpang pakhat an chuah. Cu tin an chuahmi cu 2010 kum lio i Haiti ram ah a cangmi lihnihnak (Earthquake) ruang ah mi tampi cu US ram ah dornak hmuh dingin an lak hna. Cu tin dornak cu ‘temporary protection’ lawng a si tiin, an ram ah khirh thannak cu tawlrel a si.
Cu tin Haiti mi 59000 cu July 2019 thla hlan ah US ram chuah tak dih dingin nihin ah thawng thanh an si. Cu tin thawng an thanhmi kong ah duh tlin lo nak a langhtermi an um len. Cu bantuk in ralzam khrihthannak upadi an ngeih ruang ah hin Haiti mi US ram ah kum 3-4 khua sa cangmi innchungkhar hna caah harnak le lungretheihnak a um.
US ah a um ciami Haiti mi hna nih cu tin khrihthan cu kan duh hrim lo tiah duhlonak cu US hmun ka kip ah an langhter len ko nain, tei dawh an si lo. July 2019 tik ah cun hram hram in ‘buang’ – deportation tuah an si lai tiah thanh an si.
