America ram ngunkhawi kong ah nawlbia remh le chap dingmi kong cu zahan December 1 zan ah khan Senator hna nih fehternak an tuah khawh. US tuanbia ah Tax ngun khawi kong siam remh mi ah biapi ngaimi thil pakhat a si.
US ram kongkau ah ceihhmainak le biakhiahnak a ngei khotu cu Congress hi a si. Congress ah cun thimmi ramkhel hrauitu 535 an um. House of Representative ah mipi aiawhtu 435 an um i Senate ah Senator lawngte (100) an um. Senate hna hi State pakhat in minung (2) lengmang an si. State 50 caah 100 an si.
Tax Reform and Jobs Bill 2017 an timi Tax remhnak kong cu House of Representative nih an ceih i an pass hnu ah, Senators te nih an vote than. December 1, 2017 ni ah Senator 100 nih vote an thlak i 51-49 in Vote nih a tei caah cu nawlbia hran cu fehter a si cang. Zahan an fehternak ah hin Democratic lei in pakhat hmanh nih an vote lo. Republican lei in tam deuh an vote i fehter a si. A rauh hlan ah President Trump nih nawlbia fehternak minthutnak a ngei te lai.
Mah hi Tax siamremhnak ah hin, ngun khawi kong lawng si lo in, sawk ningcang le dantat ningcang hna tiang in a thar remh a si. Tax sawk tik ah fawi tein sawk awk a tha dingin thlen le remh a si.
Corporation timi US ramchung business a tuahtu hna le mi rum hna nih Tax an pek singmi tlawm deuh dingin tuah a si caah. A ra laimi kum (10) chung ah US ram leiba $1.51 Trillion ai chap te lai tinak a si.
Fa a ngeimi innchung khar le fa ngeii inncome a tam mi chungkhar hna caah kum dangnak in Tax return ah tam deuh hmuh awk tha dingin siamremhnak zong a um. Asi nain, a hleihluat in Tax claim mi, ‘personal businesa expenses’ tbtk kong hna ah tax claim mi tbtk, le ‘loop hole’ an timi Tax ningcang lo in a siternak zawn tete zong tam ialte an remh than.
