Naite ah New York khuapi chung mi tampi um kalnak vulei tang tlanglawng lam (Subway) ah mi tha lo pakhat anih bomb a puah. December 11 ni zinglei dei ka te ah cu tin bomb puahtu pa cu a duh ningin a bomb a puak lo, amah cu tlawmpal a hliam i, mi dang a hliam hraw hna lo. Palek nih an tlaih khawh cawlh.
Mah mitha lo pa cu Akayed Ullah timi a si i, Bagladesh Kala pa a si. Amah hi Bangladesh ram mi a si, a chung khat le US um mi hna an um caah ‘chain migration’ timi policy ningin US ah hin a rak phan kho ve mi a si. Mah ruang ah hin US President Trump nih tihin a chim “”First and foremost, as I have been saying since I first announced my candidacy for President, America must fix its lax immigration system, which allows far too many dangerous, inadequately vetted people to access our country,” Ramdang mi hna rak luh chuahningcang ‘immigration system’ cu kan siamhremh a herh. Tih a nungmi le a ning canglomi minung hna kan ram ah a a rak lutmi an tam tuk, a ti phah.
Mah Kala pa hi a luan ciami kum 7 hrawng ah America rammi a si cangmi i a unau a simi hna i an fapa dirhmun in visa a rak hmuh i arak phanmi si. Cu bantuk chungkhat sahlawh auh khawhnak visa cu ‘chain migration’ ti a si. A sullam cu ‘ai peh zulh ziahmahmi’ pemnak ti a si. Cu bantuk ai pehzulh ziahmah mi pemning cang cu President Trump nih a rauh hlan ah khap cikcek ding in tinhtuahnak kong cu a chim.
Cu caah, hi mi thalo pakhat i bomb puah ruang ah hin mipem hna caah thathnem santlai a si ngaimi immigration policy tampi cu rawhralnak a chuahter.
