Clarkston, GA khua ah Chin hngakchia kum 4 lawng si rihmi Lun Thang cu nihin ah mawtaw nih a pah i a nunnak a liam tiah Georgia State Clarkston khua TV hna nih thawng an thanh.
Lun Thang mawtaw in a pahtu cu an hlat cuahmah lio a si i, an thei rih lo. A chungkhat nu le kum 6 si cangmi a unu he tiin sianginn lei ah an kal cuahmah lio ah North Indian Creek Dr lam cung ah mah hi thil hi a cangmi a si.
A pahtu mawtaw cu Dark grey color simi Toyota si lo ah Honda mawtaw a hmai lei a mit kuaimi a si tiin CCTV record ah an hmuh.
Hngakchia nu a pa cu Zam Tuang a si i, an min zoh hin chim si ah cun Tedim siloah Zomi si dawh an si. Atheimi hna nih mah hngakchia nu hi Lun Nuam tiah an auhmk a si.
Zingka tuan te suimilam 7:00am ah sianginn an kalnak ah mah tihin thil a cangmi hi a si.
An chungkhar an ngeih a chia i, mawtaw pahtu ho dah a si hnga ti cu Palek nih an hlat cuahmah liopi a si.
US ram ah hin, mawtaw mawngtu cheukhat ralring lomi le a thiam lomi hna an um len ve caah, ke in lamzawh tik ah i ralring cikcek a herh. Mawtaw mawngtu hna zong nih ke in a kalmi hna hmuh ah cun lam hme mi ah cun, traffic mei um zong um lo zong ah lam a tai cu dirpiak ding a si. Cun, si khawh ah cun ke in kal hi a herh tuk hringhran dah ti lo cun, hrial khawh i zuam cio awk a si.
